Mae gan bob Brentisiaeth ei fframwaith ei hun – pecyn o gymwysterau sy’n ymwneud â’r Brentisiaeth. Bydd eich Coleg lleolyn gyfrifol am sicrhau bod y Prentis yn cael yr hyfforddiant sydd angen arno i gyflawni fframwaith y Brentisiaeth.

Mae fframwaith yn cynnwys 4 elfen:

• NVQ
• Sgiliau Allweddol
• Tystysgrif Dechnegol
• Hawliau a Chyfrifoldebau Gwaith

Datblygir y fframweithiau gan Gyngor Sgiliau Sector pob diwydiant a sector busnes. Ym mhob Cyngor Sgiliau Sector ceir cyflogwyr, undebau llafur a chyrff proffesiynol o feysydd busnes arbennig. Mae hyn yn sicrhau fod y cymwysterau a astudir yn rhai mae’r cyflogwyr eu hangen yn go iawn ac yn rhai a fydd yn rhoi’r sgiliau sydd angen ar y Prentis i fod yn aelod effeithiol o’r gweithlu.

Felly, i Brentis Modern Sylfaenol mewn Gweinyddiaeth Busnes mae’r fframwaith yn cynnwys:

• NVQ 2 mewn Gweinyddiaeth
• Sgiliau Allweddol mewn Cymhwysiad Rhif Lefel 1 a Chyfathrebu Lefel 2
• Cymhwyster technegol megis Tystysgrif OCR mewn Gweinyddiaeth Busnes Lefel 2
• Hawliau a Chyfrifoldebau Gwaith

Disgwylir i Brentis Modern Sylfaen mewn Siop Fara astudio:

• NVQ 2 mewn Gwasanaeth Siop Fara
• Sgiliau Allweddol Cymhwysiad Rhif Lefel 1, Cyfathrebu Lefel 2 a TG Lefel 1
• Glanweithdra Bwyd, Iechyd a Diogelwch Sylfaenol a Hawliau a Chyfrifoldebau Gwaith

Ar ôl cwblhau pob un o gymwysterau’r fframwaith bydd y Prentis yn cael Tystysgrif neu Ddiploma yn dangos y cynllun a gyflawnwyd.